Mazkur tadbirda Samarqand shahar Kengashi deputati O. Pardaev ishtirok etib, o‘z nutqi bilan qatnashdi 

 Anjuman davomida talaba-yoshlarning muammolari, ularning taklif va tashabbuslari, zamonaviy ta’lim tizimidagi o‘zgarishlar hamda innovatsion rivojlanish masalalari keng muhokama qilindi. Yoshlarning ijtimoiy faolligini oshirish, ularni qo‘llab-quvvatlash va amaliy loyihalarga jalb etish yuzasidan muhim fikrlar bildirildi.

 Shuningdek, tadbir doirasida qator muhim qonun hujjatlari yuzasidan targ‘ibot ishlari ham olib borildi:

 “To‘lovlar va to‘lov tizimlari to‘g‘risida”gi O‘zbekiston Respublikasi Qonuni (№O‘RQ-578, 01.11.2019)

 “Elektron tijorat to‘g‘risida”gi O‘zbekiston Respublikasi Qonuni (№O‘RQ-792, 29.09.2022)

 Ushbu qonunlarning mazmun-mohiyati, amaliy ahamiyati hamda yoshlar va tadbirkorlik subyektlari uchun yaratayotgan imkoniyatlari haqida batafsil tushuntirishlar berildi.

 Anjuman ilm-fan, ta’lim va amaliyot integratsiyasini kuchaytirish, shuningdek, yoshlarning innovatsion g‘oyalarini qo‘llab-quvvatlashda muhim platforma bo‘lib xizmat qildi.

 Tadbir yakunida ishtirokchilar o‘zaro fikr almashib, kelgusidagi hamkorlik yo‘nalishlari yuzasidan takliflar bildirdilar