Xalq deputatlari Pastdarg‘om tuman Kengashi deputati G.Bozorova tomonidan “Balxiyon” MFYda joylashgan 52-son umumta’lim maktabini rekonstruksiya qilish, jumladan, qo‘shimcha 300 o‘rinli yangi o‘quv bino qurish ishlari holati joyiga chiqib o‘rganildi.

O‘rganish davomida qurilish jarayonining sifati, belgilangan muddatlarga amal qilinishi hamda yaratilayotgan shart-sharoitlar atroflicha ko‘zdan kechirildi.

️ Deputat tomonidan mas’ullarga qurilish ishlarini tezlashtirish, sifatini yanada oshirish va o‘quvchilar uchun zamonaviy, qulay muhit yaratish bo‘yicha zarur tavsiyalar berildi.

 Mazkur loyiha amalga oshirilishi natijasida hududdagi o‘quvchilar uchun qo‘shimcha o‘rinlar yaratiladi, ta’lim sifati oshadi va maktab infratuzilmasi yanada yaxshilanadi.

Hurmatli fuqarolar, amalga oshirilayotgan bunday bunyodkorlik ishlari siz farzandlaringiz kelajagi uchun muhim qadamdir!