Xalq deputatlari viloyat Kengashi deputati Davron Shodmonov hamda tuman Kengashi deputatlari Sobir Jalilov va Mahfirat Xudoyqulovalar ishtirokida Qamashi tumani Qoratepa mahallasida Qoratepa, Mayda va Azlartepa mahallalari fuqarolari bilan ochiq muloqot o‘tkazildi.

✅ Muloqot davomida ishtirokchilarga O‘zbekiston Respublikasining “Davlat hisobidan yuridik yordam ko‘rsatish to‘g‘risida”gi O'RQ-848-sonli Qonuni mazmun-mohiyati atroflicha tushuntirilib, ushbu qonun asosida fuqarolar uchun yaratilgan imkoniyat va qulayliklar haqida batafsil ma’lumotlar berildi hamda ushbu Qonun ijrosi bo'yicha mas’ullarga quyidagi muhim savollar bilan murojaat qilindi:

🔺 Kam ta’minlangan aholi ushbu huquqdan qay darajada xabardor? Bu bo‘yicha qanday targ‘ibot ishlari amalga oshirilgan?

🔺 Qishloq va chekka hududlarda yashovchi fuqarolarga mazkur xizmatni yetkazishda qanday mexanizmlar joriy etilgan?

🔺 Mahallalar orqali murojaat qilish amaliyoti qanchalik samarali ishlamoqda?

Ushbu savollar yuzasidan mas’ullar tomonidan tegishli javoblar berildi.