Xalq deputatlari Termiz tuman Kengashi deputati Dj.Taxchiyeva tomonidan saylov okrugidagi fuqarolar holidan xabar olish, ayniqsa qariyalar, nogironligi bo‘lgan hamda ijtimoiy ahvoli og‘ir oilalar bilan manzilli ishlash maqsadida xonadonlarga tashriflar amalga oshirildi.

Tashrif davomida yoshi ulug‘, betob hamda yotib qolgan fuqarolar holidan xabar olinib, ularning yashash sharoiti, kundalik ehtiyojlari va muammolari o‘rganildi. Ijtimoiy ahvoli og‘ir oilalar bilan suhbatlar o‘tkazilib, mavjud muammolar, ehtiyojlar va takliflar yozib olindi.

Aniqlangan masalalar yuzasidan tegishli tashkilotlar bilan hamkorlikda amaliy yordam ko‘rsatish, ijtimoiy qo‘llab-quvvatlash choralarini kuchaytirish hamda zarur tibbiy va moddiy ko‘mak tashkil etish bo‘yicha tegishli tavsiyalar berildi. O‘rganish davomida kelib tushgan murojaatlar deputatlik nazoratiga olindi.