Xalq deputatlari Oltinsoy tuman Kengashi raisi, deputat А.Turdiyev tomonidan tumandagi “Mingchinor” mahallasida joylashgan tibbiyot birlashmasiga qarashli “Xujasoat” hududiy bo‘limida o‘rganish ishlari olib borildi. Tashrif davomida muassasaning tibbiy xizmat ko‘rsatish sifati, aholi murojaatlari bilan ishlash holati hamda mavjud muammolar atroflicha ko‘zdan kechirildi.

O‘rganish jarayonida aniqlangan kamchiliklarni bartaraf etish, aholiga ko‘rsatilayotgan tibbiy xizmat sifatini yanada oshirish yuzasidan mas’ullarga tegishli tavsiya va ko‘rsatmalar berildi.

Deputat tashrif davomida hududda tashkil etilgan bahoriy milliy an’analarimizni aks ettiruvchi sumalak saylida ham ishtirok etdi. Tadbir ko‘tarinki ruhda, mahalla faollari ishtirokida o‘tkazildi.

✍️Oltinsoy tumani Kengash Kotibiyati Axborot xizmati