Аграр, қурилиш, коммунал соҳа, экология, саноат ва транспорт масалалари бўйича доимий комиссия томонидан Ўзбекиcтон Республикаси Олий Мажлиси Сенати Кенгашининг 2025 йил 14 январдаги КҚ-35-V-сон қарори ижроси доирасида, доимий комиссия томонидан ижтимоий объектларда навбатдаги ўрганиш ҳамда назорат ишлари амалга оширилди.

📍 20-сонли ва 30-сонли ДМТТ

Имконияти чекланган болалар учун мўлжалланган давлат мактабгача таълим ташкилотларида қурилиш ишларининг якуний босқичлари ўрганилди ва назорат қилинди. Ишлар деярли якунланган, яқин кунларда ушбу муассасаларни фойдаланишга топшириш режалаштирилмоқда. Объектларни очишдан олдин барча талаблар ва хавфсизлик масалаларига қатъий риоя этилиши таъкидланди.

📍 15-сонли мактаб

Мактабда ички таъмирлаш ишлари тўлиқ якунланган. Комиссия томонидан электр тармоқлари ва иссиқлик таъминоти ускуналарига кириш хавфсизлигини таъминлаш бўйича тавсиялар берилди. Болалар хавфсизлиги биринчи ўринда экани алоҳида қайд этилди.

Доимий комиссия иши ижтимоий аҳамиятга эга объектларни ўз вақтида, сифатли ва хавфсиз ҳолда фойдаланишга топширишга қаратилган ҳолда давом этмоқда.

Алишер Абдуллаев,

Зокир Халмухамедов

Чирчиқ шаҳар Кенгаши депутатлари

Slide 1 of 6