Xalq deputatlari Piskent tumani Kengashi deputati B. Abdurahmonov tomonidan 8-sonli maktabgacha ta'lim tashkilotining kuz-qish mavsumiga tayyorgarlik holati o‘rganildi

Xalq deputatlari Piskent tumani Kengashi deputati B. Abdurahmonov tomonidan Mingtepa mahallasida joylashgan 8-sonli maktabgacha ta’lim tashkilotida kuz-qish mavsumiga tayyorgarlik holati yuzasidan o‘rganish ishlari olib borildi.

O‘rganish davomida bino va inshootlarning isitish tizimi, deraza va eshiklarning holati, issiqlik saqlanishi bo‘yicha ko‘rilgan chora-tadbirlar, shuningdek, muassasa xodimlari va tarbiyalanuvchilarning sog‘lom va xavfsiz muhitda bo‘lishi uchun yaratilgan sharoitlar ko‘zdan kechirildi.

Deputat tomonidan aniqlangan kamchiliklar yuzasidan tegishli mas’ullarga zaruriy tavsiyalar berildi va ularni qisqa muddatda bartaraf etish bo‘yicha topshiriqlar belgilandi.