🏥 Deputatlik nazorati: 1-okrug deputati A. Saidahmedov  tomonidan 17-sonli oilaviy poliklinikada aholiga tibbiy xizmat ko‘rsatish holati o‘rganildi. 

📑Mazkur nazorat doirasida Zangiota  tumanidagi 17-sonli oilaviy poliklinika faoliyati o‘rganildi.

🔰Dori vositalari ro‘yxatlari poliklinikada to‘liq shakllantirilgan, biroq hozirda ular faqat qog‘oz ko‘rinishida yuritilmoqda. Elektron ro‘yxatlar mavjud bo‘lsa-da, ular to‘liq faoliyat yuritmayapti.

🔬Tibbiy xizmatlarda UZI (ultratovush diagnostikasi) va ginekolog mutaxassislar yetishmasligi, shuningdek kompyuter texnikasi bilan ta’minlanishdagi kamchiliklar poliklinika ish faoliyatiga salbiy ta’sir ko‘rsatayotgani aniqlandi.

✅O‘rganilgan muassasada "Dolzarb 90 kunlik" loyihasi doirasida muayyan natijalarga erishilgan.                            

♻️Deputatlik nazorati davomida aniqlangan holatlar asosida tegishli tashkilot va mutasaddi idoralarga zaruriy tavsiyalar kiritiladi.