Bekobod shahar hokimligi va Xalq deputatlari shahar kengashi kotibiyati tashabbusi bilan Davlat tilida ish yuritish asoslarini o‘qitish va malaka oshirish markazi Toshkent viloyati hududiy bo‘linmasi hamkorligida “Davlat va jamoat tashkilotlarida rasmiy ish hujjatlarining yuritilishi” mavzusida seminar tashkil etildi. Seminarda shahar hokimligi vakillari, shahar kengashi deputatlari, oila va xotin-qizlar bo‘limi, tibbiyot birlashmasi, maktabgacha va maktab ta’limi bo‘limi, shuningdek, ta’lim muassasalari rahbar hamda xodimlari ishtirok etdi. Tadbir davomida Markaz vakili A.To‘ychiyev, shahar kengashi kotibiyati mudiri X. Ibragimova, hokim o‘rinbosari A.To‘raqulova, deputat U.Abdunazarov va hokimning davlat tili masalalari bo‘yicha maslahatchisi G. Mirzaaxmedovalar o‘z ma’ruzalari bilan qatnashchilar e’tiborini qozondi.

Seminar yakunida “O‘zbek adabiy tili me’yorlari va davlat tilida ish yuritish” kurslarini muvaffaqiyatli tugatgan bir guruh xodimlarga malaka sertifikatlari, tashakkurnomalar va esdalik sovg‘alari topshirildi.