Italiyaning Brindizi shahrida dunyo moda industriyasining muhim voqealaridan biri – “Mediterranean Fashion Week” bo‘lib o‘tdi. Ushbu nufuzli tadbir Yevropa, Osiyo, Lotin Amerikasi va Yaqin Sharqdan kelgan dizaynerlarni birlashtirdi.

Xususan, xalq deputatlari Olmazor tumani Kengashi deputati Gulyamova Kamola Xalitovna raxbarligida Markaziy Osiyo Dizaynerlar Ittifoqi “MODI”- nafaqat milliy brendlarimizni jahon podiumlariga olib chiqishga, balki xalqaro hamkorlikni rivojlantirish, kreativ sanoatlarni qo‘llab-quvvatlash va O‘zbekistonning ijobiy madaniy imijini mustahkamlashga xizmat qilmoqda.

O‘zbek dizaynerlarining ishtirokida taqdim etilgan kolleksiyalar milliy an’analar va zamonaviy moda tendensiyalarini uyg‘unlashtirgan holda yurtimiz modasining o‘ziga xos qirralarini namoyon etdi.

“Mediterranean Fashion Week”dagi ishtirok O‘zbekiston uchun nafaqat modani namoyish etish, balki madaniy muloqot va hamkorlik ko‘priklarini yaratishda muhim qadam bo‘ldi.