Joriy yilda aziz Vatanimiz — O‘zbekiston Respublikasi davlat mustaqilligining 34 yilligini keng nishonlamoqdamiz. Bu ulug‘ sana xalqimizning ozod va erkin hayoti, milliy taraqqiyot yo‘lini belgilab bergan tarixiy kun sifatida har bir yurtdoshimiz qalbida g‘urur va iftixor tuyg‘usini uyg‘otadi.

Mustaqillik yillari davomida mamlakatimizda siyosiy, iqtisodiy, ijtimoiy sohalarda ulkan islohotlar amalga oshirildi. Eng asosiysi, inson manfaatlari, xalq farovonligi va yurtimiz taraqqiyotini ta’minlash ustuvor vazifa sifatida belgilandi.

Bugun O‘zbekiston xalqaro maydonda munosib o‘rin egallab, BMT va nufuzli xalqaro tashkilotlar bilan samarali hamkorlikni yo‘lga qo‘ygani ham mustaqillik ne’mati ekanini ko‘rsatadi. Yangi O‘zbekiston strategiyasi asosida esa xalqimiz uchun farovon hayot, yoshlarimiz uchun keng imkoniyatlar yaratilmoqda.

Shu o‘rinda har birimiz Vatan taqdiriga daxldorlik hissi bilan yashaib, mustaqilligimizni asrab-avaylash va uni yanada mustahkamlash yo‘lida jonbozlik ko‘rsatishimiz zarur.

Mustaqilligimiz muborak bo‘lsin!