HUDUDIY DASTURLAR SHAKLLANTIRILISHIDA DEPUTATLIK TAKLIFLARI INOBATGA OLINMOQDA

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan hududlarda mavjud muammolarni bartaraf etish, infratuzilmani rivojlantirish hamda aholi turmush sharoitini yanada yaxshilash maqsadida 2027-yilda tasdiqlanadigan hududiy dasturlar uchun takliflar shakllantirildi.

Doimiy komissiya tomonidan hududlarni o‘rganish, aholi murojaatlari va joylardagi mavjud muammolar tahlili asosida quyidagi yo‘nalishlarda takliflar bildirildi:

✅ ichki yo‘llarni ta’mirlash va obodonlashtirish;

✅ sug‘orish tizimlarini yaxshilash, suv resurslaridan samarali foydalanish;

✅ ariqlar va irrigatsiya tarmoqlarini tartibga keltirish;

✅ aholi yashash hududlarida infratuzilma obyektlarini rivojlantirish;

✅ ekologik holatni yaxshilash va hududlarni obodonlashtirish bo‘yicha chora-tadbirlarni amalga oshirish.