Deputat va "Yettilik" ehtiyojmand oilalar holidan xabar oldi

Viloyat Kengashi deputati J.Rahmonov, Madad NTT mutaxassisi S.Usmonov, kotibiyat mudiri G'.Uzoqov, mutaxassis J.Ergashev, O.Nosirovlar Charmgar MFYga tashrif buyurib, mahalladagi "Yettilik" aʼzolari, nuroniylar hamda koʻcha oqsoqollari bilan birgalikda hududda istiqomat qilayotgan kam taʼminlangan, boquvchisini yoʻqotgan va ijtimoiy koʻmakka muhtoj oilalar xonadonlarida boʻldi.

🏛 Qonunchilikdagi yangiliklar va ijtimoiy koʻmak

Samimiy muloqot va oʻrganishlar davomida fuqarolarga "Keksalar, nogironligi boʻlgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar toʻgʻrisida"gi Oʻzbekiston Respublikasining Qonuni mazmun-mohiyati, unda belgilangan imtiyoz hamda imkoniyatlar haqida batafsil tushuntirish berildi.

Tashrif davomida aholini qiynab kelayotgan boshqa ijtimoiy-maishiy masalalar ham tinglanib, ularni hal etish boʻyicha tegishli chora-tadbirlar belgilab olindi.

👉🏻 Telegram
👉🏻 Instagram
👉🏻 Facebook
👉🏻 YouTube