O‘rganish davomida yo‘l-qurilish ishlarining borishi, asfaltlash ishlari loyiha va belgilangan me’yoriy talablarga muvofiq amalga oshirilayotgani, yo‘l asosini tayyorlash sifati, asfalt qoplamasining qalinligi, foydalanilayotgan qurilish materiallari hamda maxsus texnikalar faoliyati atroflicha ko‘zdan kechirildi.

Shuningdek, pudratchi tashkilot mutasaddilari bilan amalga oshirilayotgan ishlarning sifati, belgilangan muddatlarda yakunlanishi hamda aholiga qulay va xavfsiz yo‘l infratuzilmasini yaratish masalalari yuzasidan fikr almashildi.

Deputat tomonidan fuqarolar manfaatlarini ta’minlash maqsadida asfaltlash ishlari jamoatchilik nazorati ostida olib borilishi, aniqlangan kamchiliklar yuzasidan mas’ullarga tegishli tavsiyalar berilishi hamda zarur hollarda ularni bartaraf etish bo‘yicha amaliy choralar ko‘rilishi ta’kidlandi.

Hududdagi yo‘l-ta’mirlash ishlari sifatli va o‘z vaqtida yakunlanishi deputat tomonidan doimiy nazoratga olingan.

️ Xalq deputatlari Samarqand shahar Kengashi