Xalq deputatlari Chilonzor tumani Kengashi deputati Kim Marina Melisovna o‘z saylov okrugi hududidagi mahalla faollari faoliyati bilan yaqindan tanishib, hududda mavjud muammolar va aholini qiynab kelayotgan dolzarb masalalarni o‘rgandi.

O‘rganish jarayonida mahalla faollari bilan hududdagi mavjud holat, aholi murojaatlarida ko‘tarilayotgan masalalar, obodonlashtirish, infratuzilma hamda aholiga qulay shart-sharoitlar yaratish bilan bog‘liq muammolar yuzasidan fikr almashildi.

Shuningdek, mahalla faollari tomonidan bildirilgan taklif va murojaatlar tinglanib, mavjud muammolarni tizimli ravishda hal etish, ularni tegishli mutasaddi tashkilotlar bilan hamkorlikda bartaraf etish masalalariga alohida e’tibor qaratildi.

Deputat tomonidan o‘rganish davomida aniqlangan masalalar nazoratga olinib, ularning yechimi yuzasidan tegishli choralar ko‘rish belgilandi.