Úyme-úy júrip, puqaralar mashqalaları úyrenildi

Xalıq deputatları Bozataw rayonlıq Keńesi 6-"Andijan" saylaw okruginen (XDP) saylanǵan deputat, SH.Berdaxov, Keńes sekretariatı bas qánigesi K.Aitmuratov hám "Erkindárya" APJ aymaǵındaǵı Mákke awıl biyi S.Jánibekovlar birgelikte sol jerdiń turǵınları menen ushırasıp, xalıqtıń mashqalaların úyreniw jumısları alıp barıldı.

Ishki jollardıń jaǵdayı, taza ishimlik suwı hám elektr energiyası támiynatın jaqsılaw, túngi jaqtılandırıw shıraqların ornatıw, hayal-qızlar hám jaslar bántligin támiyinlew, shańaraqlıq isbilermenlikti rawajlandırıw ushın jeńilletilgen kreditler ajıratılıwına kómeklesiw, aymaqtaǵı jap, salmalardı tazalaw, shıǵındılardı alıp shıǵıw sistemasın tártipke salıw máseleleri úyrenildi.

Deputat tárepinen anıqlanǵan mashqalalar hám puqaralardıń múrájatları rayonlıq Keńes sessiyalarında kórip shıǵılıwı yamasa tiyisli shólkemlerge deputatlıq sorawı sıpatında jiberiliwi arqalı óz sheshimin tabadı.