“DEPUTATNING KO‘CHA AYLANISH DAFTARI” ASOSIDA O‘RGANISH ISHLARI OLIB
BORILDI 

Xalq deputatlari Quva tuman Kengashi deputati O.Tillayeva hamda tuman Kengashi
kotibiyati bosh mutaxassisi M.To‘xtasinov tomonidan Toshkent mahalla fuqarolar
yig‘inida deputatning ko‘cha aylanish daftari asosida hududdagi
ijtimoiy-iqtisodiy masalalar va hokim yordamchisining faoliyati manzilli
o‘rganildi.

 

O‘rganish davomida mahalladagi xonadonlar holati, aholini qiynab kelayotgan muammolar,
fuqarolarning murojaatlari hamda ularni hal etish bo‘yicha amalga
oshirilayotgan ishlar ko‘zdan kechirildi. Shuningdek, hokim yordamchisi
tomonidan aholi bandligini ta’minlash, ishsiz fuqarolarni ishga joylashtirish,
tadbirkorlik tashabbuslarini qo‘llab-quvvatlash, oilaviy tadbirkorlikni
rivojlantirish borasida olib borilayotgan ishlar tahlil qilindi.

 

Aniqlangan muammo
va takliflar “Deputatning ko‘cha aylanish daftari”ga qayd etilib, ularni
bartaraf etish yuzasidan mas’ullarga tegishli tavsiyalar berildi. Mahallada aholi farovonligini oshirish va hududni rivojlantirish bo‘yicha
ishlarni tizimli davom ettirish belgilandi.