Xalq deputatlari Chilonzor tumani Kengashi deputati, kotibiyat mudiri Murotova Lola Ne'matjon qizi o‘zining 12-Navbahor saylov okrugida istiqomat qiluvchi Navbahor mahallasi 7-uy, 44-xonadonda yashovchi fuqaro Mametova Galina Alekseyevnaning murojaati yuzasidan o‘rganish ishlarini olib bordi.
Dastlab deputat mahalla ijtimoiy xodimi bilan uchrashib, murojaat mazmuni va fuqaroning ijtimoiy holatini muhokama qildi. Shundan so‘ng fuqaroning xonadoniga borilib, uning holidan xabar olindi hamda mavjud muammolari yuzasidan suhbatlashildi.
Uchrashuv davomida fuqaroga davlat tomonidan yo‘lga qo‘yilgan ijtimoiy qo‘llab-quvvatlash choralari, mavjud ijtimoiy yordam va xizmatlar haqida batafsil ma'lumot berilib, ulardan foydalanish bo‘yicha tegishli tavsiyalar va amaliy ko‘mak taklif etildi.
Deputat tomonidan bildirilgan murojaat ijrosi nazoratga olinib, masalani qonunchilik doirasida hal etish yuzasidan tegishli tashkilotlar bilan hamkorlikda ishlar davom ettirilishi ta'kidlandi.