Shu munosabat bilan Xalq deputatlari Termiz shahar Kengashi raisi, deputat D.Normuradova hamda Kengash kotibiyati mudiri A.Ashurov shahar hududidagi mahallalarda amalga oshirilayotgan obodonlashtirish ishlari yuzasidan nazorat-tahlil tadbirlarini olib bordilar.
O‘rganish davomida mahallalarda olib borilayotgan hashar ishlari, ko‘cha va yo‘laklarni tozalash, daraxtlarga agrotexnik ishlov berish, hududlarni ko‘kalamzorlashtirish, ariq-zovurlarni tozalash, chiqindilarni belgilangan tartibda olib chiqish hamda jamoat joylarini tartibga keltirish bo‘yicha amalga oshirilayotgan ishlar joyiga chiqqan holda ko‘zdan kechirildi.
Shuningdek, mahalla faollari va mas’ul tashkilotlar vakillari bilan muloqot qilinib, obodonlashtirish ishlarining sifati va ko‘lami, mavjud muammolar hamda ularni bartaraf etish yuzasidan amalga oshirilayotgan chora-tadbirlar muhokama qilindi. Hududlarda hashar ishlariga aholini keng jalb etish, sanitariya madaniyatini yuksaltirish va yashil hududlarni ko‘paytirish bo‘yicha zarur tavsiyalar berildi.
Nazorat-tahlil tadbirlari yakunida “Mahallada obodlik va mehr-saxovat oyligi” doirasida belgilangan vazifalarni o‘z vaqtida va sifatli amalga oshirish, mahallalarning ozodaligi va ekologik barqarorligini ta’minlash hamda fuqarolar uchun yanada qulay yashash muhitini yaratish yuzasidan tegishli mas’ullarga zarur ko‘rsatmalar berildi. Mahallalarda obodonlashtirish va bunyodkorlik ishlari deputatlik nazorati ostida izchil davom ettirilmoqda.