Doimiy komissiya yig‘ilishi o‘tkazildi 

Xalq deputatlari Quva tuman Kengashining “Mahalliy byudjet, tadbirkorlikni rivojlantirish va iqtisodiy
islohotlar masalalari bo‘yicha” doimiy komissiyasining navbatdagi yig‘ilishi bo‘lib
o‘tdi. 

Yig‘ilishda komissiya a’zolari, deputatlar ishtirok etib, kun tartibiga kiritilgan masalalar
yuzasidan o‘z fikr-mulohazalarini bildirdilar. 

Doimiy komissiya yig‘ilishi kun tartibida: 

tumanda 2026 yilda alkogol mahsulotlarini realizatsiya qilish huquqi uchun, shuningdek,
umumiy ovqatlanish korxonalari tomonidan alkogol mahsulotlarini realizatsiya qilish
uchun yig‘imlarning cheklangan stavkalarini belgilash; 

2026 yilda tuman hududlarini yangicha yondashuvlar asosida rivojlantirish orqali aholi daromadlarini
oshirish, barqaror ish o‘rinlarini yaratish hamda kambag‘allikni qisqartirish chora-tadbirlari; 

tuman obodonlashtirish boshqarmasi tasarrufidagi ichki yo‘llarni saqlash va joriy ta’mirlash bo‘yicha amalga
oshirilayotgan ishlar to‘g‘risidagi masalalar ko‘rib chiqildi. 

Kun tartibidagi
barcha masalalar komissiya tarkibi tomonidan o‘rganilib, atroflicha muhokama qilinib,
tegishli xulosalar berildi.