BANDLIK VA KAMBAG‘ALLIKNI QISQARTIRISH YO‘NALISHIDAGI ISHLAR NAZORATDAN O‘TKAZILDI

Xalq deputatlari Bandixon tumani Kengashi deputatlari I. Xalmatov va N. Allamuratova Kengash kotibiyati xodimlari bilan hamkorlikda tuman Kambag‘allikni qisqartirish va bandlikka ko‘maklashish bo‘limida o‘rganish ishlarini olib bordilar.

O‘rganish jarayonida aholi bandligini ta’minlash, fuqarolarni ish bilan ta’minlashga ko‘maklashish hamda kambag‘allikni qisqartirish borasida amalga oshirilayotgan ishlar ko‘rib chiqildi.

Deputat I. Xalmatov ta’kidlaganidek, aholi bandligini ta’minlash kambag‘allikni qisqartirishda muhim ahamiyat kasb etadi. Shu bois, mazkur yo‘nalishdagi ishlar samaradorligini oshirish va fuqarolar murojaatlariga o‘z vaqtida yechim topish deputatlik nazoratining muhim vazifalaridan biridir.

✅ O‘rganish yakunida aniqlangan kamchiliklarni bartaraf etish, aholi bandligini yanada oshirish va ishlar samaradorligini kuchaytirish yuzasidan mas’ullarga tegishli tavsiya va ko‘rsatmalar berildi.

Asosiy maqsad — aholi bandligini ta’minlash, fuqarolar turmush farovonligini oshirish va kambag‘allikni qisqartirishga qaratilgan ishlar samaradorligini ta’minlash.