Xalq deputatlari Yunusobod tumani Kengashi deputati A. Nasirov tomonidan hududdagi umumta’lim maktablaridan birida o‘quvchilar uchun yaratilgan sport sharoitlari hamda ularning bo‘sh vaqtini mazmunli tashkil etish borasidagi ishlar o‘rganildi.

⚽️O‘rganish davomida o‘quvchilarning jismoniy tarbiya va sport mashg‘ulotlariga jalb etilishi, sport to‘garaklari faoliyati, shuningdek, yoshlarning turli sport turlari bilan muntazam shug‘ullanishi kuzatildi.

🏀Deputat o‘quvchilarning sport o‘yinlaridagi ishtiroki bilan tanishib, mashg‘ulotlar uchun yaratilgan shart-sharoitlar, sport maydonlari va mavjud jihozlarning holatini ko‘zdan kechirdi.

⚖️Huquqiy asos: O‘zbekiston Respublikasining “Jismoniy tarbiya va sport to‘g‘risida”gi Qonuniga muvofiq, fuqarolarning, xususan, yoshlarning jismoniy tarbiya va sport bilan shug‘ullanishi uchun zarur shart-sharoitlarni yaratish, sog‘lom turmush tarzini targ‘ib qilish muhim vazifalardan hisoblanadi.

📌O‘rganish yakunlari bo‘yicha maktabdagi sport infratuzilmasidan samarali foydalanish, o‘quvchilarni sport mashg‘ulotlariga yanada keng jalb etish hamda mavjud sharoitlarni takomillashtirish yuzasidan mas’ullar bilan fikr almashildi.