Ijtimoiy himoya samaradorligi — fuqarolarning qonuniy huquqlari va manfaatlarini ta’minlashdan boshlanadi.
Aholining pensiya ta’minotini yaxshilash, fuqarolarga ko‘rsatilayotgan xizmatlar sifatini oshirish hamda pensiya qonunchiligi talablariga rioya etilishini ta’minlash muhim vazifalardan biridir. Shu bois, mas’ul tashkilotlar faoliyatini o‘rganish va mavjud masalalarni tahlil qilish alohida ahamiyat kasb etadi.

Xalq deputatlari Yangiobod tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, deputat H. Qudratov tomonidan tuman Pensiya jamg‘armasi bo‘limi faoliyati o‘rganildi.

Jarayonda pensiya va nafaqalarni tayinlash, fuqarolarning murojaatlarini ko‘rib chiqish, aholiga ko‘rsatilayotgan xizmatlar sifati hamda pensiya ta’minoti bilan bog‘liq masalalarga e’tibor qaratildi.

O‘rganish davomida quyidagi yo‘nalishlarda ishlarni takomillashtirish muhimligi ta’kidlandi:
Fuqarolarning pensiya ta’minotiga oid huquq va manfaatlarini himoya qilish;
Pensiya tayinlash jarayonlarida qonunchilik talablariga rioya etilishini ta’minlash;
Aholi murojaatlarini o‘z vaqtida va qonuniy tartibda ko‘rib chiqish;
Fuqarolarga pensiya qonunchiligi yuzasidan tushuntirishlar berish va xizmatlar sifatini oshirish;
Murojaatlarda ko‘tarilayotgan masalalarning yechimiga mas’uliyat bilan yondashish.

MAQSAD — AHOLI UCHUN SAMARALI VA ADOLATLI PENSIYA TA’MINOTI