Xalq deputatlari Qo‘qon shahar Kengashi deputati Z. Madaminova tomonidan 2-“Avg‘onbog‘” saylov okrugi hududidagi “Avg‘onbog‘” mahalla fuqarolar yig‘inida o‘rganish ishlari olib borildi.

O‘rganish davomida mahallaning Tokzor ko‘chasi, 31-uyda istiqomat qiluvchi, Ijtimoiy reyestrga kiritilgan fuqaro X. Xaydarova xonadoniga tashrif buyurildi. Tashrif chog‘ida oilaning yashash sharoiti, mavjud ehtiyojlari hamda ijtimoiy qo‘llab-quvvatlash borasida amalga oshirilgan ishlar bilan tanishildi.

Ma’lum qilinishicha, fuqaroning yashash sharoitini yaxshilash maqsadida uning xonadoni homiylik asosida ta’mirlab berilgan. Shuningdek, fuqaroning ko‘zini jarrohlik yo‘li bilan davolatish uchun tibbiy yo‘llanma rasmiylashtirilgan.

️Bundan tashqari, oilaga “Saxovat va ko‘mak” jamg‘armasi tomonidan ham yordam ko‘rsatilgan. Jumladan, vaucher asosida oziq-ovqat va kiyim-kechak mahsulotlarini xarid qilish uchun moddiy ko‘mak ajratilgan.

Xalq deputatlari Qo‘qon shahar Kengashi