🔰#munosabat

O‘zbekiston–Qozog‘iston hamkorligi: mintaqaviy taraqqiyot va xalq farovonligi yo‘lida

🇺🇿O‘zbekiston Respublikasi Prezidenti Shavkat Mirziyoyevning Qozog‘iston Respublikasi tashqi ishlar vaziri Muxtar Tleuberdini qabul qilishi ikki davlat o‘rtasidagi do‘stlik, yaxshi qo‘shnichilik va strategik sheriklik munosabatlarini yanada mustahkamlash yo‘lidagi muhim muloqotdir.
🔺Deputat sifatida men O‘zbekiston va Qozog‘iston o‘rtasidagi hamkorlikni kengaytirishni, avvalo, iqtisodiy imkoniyatlarimizni birlashtirish, yangi ish o‘rinlarini yaratish va aholi farovonligini oshirish bilan chambarchas bog‘liq jarayon deb bilaman.
🔺Uchrashuvda savdo-iqtisodiy aloqalarni rivojlantirish, sanoat, transport, energetika, qishloq xo‘jaligi, qurilish va ekologiya sohalaridagi hamkorlik loyihalarini amalga oshirish masalalariga e’tibor qaratilgani alohida ahamiyatga ega. Ushbu yo‘nalishlardagi amaliy hamkorlik ikki mamlakat iqtisodiy salohiyatidan samarali foydalanish uchun yangi imkoniyatlar yaratadi.
🔺Mening deputatlik pozitsiyam shuki, xalqaro hamkorlikning samarasi, eng avvalo, uning odamlar hayotida qanday ijobiy o‘zgarishlar yaratishi bilan baholanishi kerak. Savdo hajmining ortishi, transport yo‘laklarining rivojlanishi, qo‘shma loyihalarning ko‘payishi tadbirkorlar, fermerlar va mehnatkashlar uchun aniq manfaat keltirishi lozim.
🔺Ishonamanki, O‘zbekiston va Qozog‘iston o‘rtasidagi o‘zaro manfaatli aloqalarning izchil rivojlanishi nafaqat ikki davlat, balki butun Markaziy Osiyo mintaqasining barqarorligi va taraqqiyotiga xizmat qiladi.
🔺Hamkorlik — taraqqiyot omili, xalq manfaatlari esa uning bosh mezonidir!

Behzod Dilliyev,
Xalq deputatlari Jondor tumani Kengashi deputati,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt