Xalq deputatlari Oltinsoy tumani Kengashining 5-“Mirshodi” saylov okrugidan saylangan deputat Isroil Ochildiyevich Bozorovning saylov okrugi hududidagi “Shoxcha” mahallasida Xalq deputatlari tuman Kengashining 2026-yil 5-martdagi VII-16-13-8-108-K/26-sonli qarori ijrosi yuzasidan deputatlik nazorati tadbiri o‘tkazildi.

Mazkur qaror ijrosini ta’minlash hamda hududda amalga oshirilgan obodonlashtirish va infratuzilmani rivojlantirish ishlari holatini o‘rganish jarayonida Xalq deputatlari Surxondaryo viloyati Kengashi deputati A.Oripov hamda Kengash Kotibiyati bosh mutaxassisi I.Roziqov qatnashdilar.

O‘rganish jarayonida deputatlar va ekspert guruhi mas’ullar yangi qurilgan mahalla binolari hamda ma’muriy xonalardagi shart-sharoitlar, mebel va xizmat vositalari bilan ta’minlanganlik holatini ko‘zdan kechirdilar.

Shuningdek, hududda obodonlashtirish va infratuzilmani yaxshilash qarori doirasida mahalla ichki yo‘llariga asfalt qoplamasi yotqizilishi, yo‘l bo‘ylarida tungi yoritish chiroqlari o‘rnatilishi hamda  o‘rindiqlar joylashtirilib, obodonlashtirish ishlari olib borilgani bevosita joyiga chiqqan holda o‘rganildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz