Xalq deputatlari Chilonzor tumani Kengashining 17-“Bek-to‘pi” saylov okrugi deputati Alisher Abduvahobovich Xusainov Al-Xorazmiy mahallasida O‘zbekiston Respublikasi Kriminologiya tadqiqot instituti bosh ilmiy xodimi, pedagogika fanlari doktori (DSc), dotsent, podpolkovnik R.A. Matchanov bilan uchrashuv o‘tkazdi.
Uchrashuv davomida yoshlar o‘rtasida giyohvandlik vositalarining tarqalishining oldini olish, bezorilik va boshqa huquqbuzarliklarga qarshi kurashish, mahallada jinoyatchilikning oldini olish hamda aholi, ayniqsa, yoshlar o‘rtasida huquqiy madaniyatni yuksaltirish masalalari atroflicha muhokama qilindi.
Shuningdek, mahalla aholisi va yoshlarga salbiy ta’sir ko‘rsatuvchi omillarni barvaqt aniqlash va ularning oldini olish, yoshlarning bo‘sh vaqtini mazmunli tashkil etish hamda ularni sog‘lom turmush tarziga yo‘naltirish yuzasidan fikr almashildi.
Suhbat davomida mahalla posbonlari, profilaktika mas’ullari va yoshi ulug‘ fuqarolarning jamoat xavfsizligini ta’minlashdagi o‘rni alohida ta’kidlandi. Xususan, mahallada notanish va shubhali holatlarni o‘z vaqtida payqash, huquqbuzarlik alomatlari aniqlanganda tegishli organlarga xabar berish, fuqarolar o‘rtasida hushyorlik va hamjihatlikni kuchaytirish masalalari ko‘rib chiqildi.
Deputat tomonidan jinoyatchilik va huquqbuzarliklarning oldini olish, xavf omillarini erta aniqlash hamda yoshlar bilan samarali profilaktik ishlarni tashkil etish bo‘yicha amaliy tavsiyalar berildi.