Xalq deputatlari Chilonzor tumani Kengashi doimiy komissiyasi yig‘ilishida mahalliy budjetning qo‘shimcha manbalari hisobidan “Fuqarolar tashabbusi jamg‘armasi”ga mablag‘ ajratish masalasi muhokama qilindi.

Mazkur masala doirasida fuqarolar tashabbuslarini qo‘llab-quvvatlash, jamoatchilik fikri asosida shakllantirilgan tadbirlarni moliyalashtirish va aholini hududlarni rivojlantirish jarayonlariga faol jalb etish masalalariga e’tibor qaratildi.

Muhokama davomida mablag‘larni belgilangan tartibda ajratish, zarur moliyaviy hujjatlarni rasmiylashtirish hamda ularning maqsadli sarflanishini ta’minlash yuzasidan tegishli tavsiyalar bildirildi.

Yig‘ilish yakunida jamg‘armani moliyalashtirish bo‘yicha taklif ma’qullanib, masalani Kengash sessiyasi muhokamasiga kiritish tavsiya etildi.