#Haftalik_ish_reja_ijrosi
#Sessiya_oldi_o'rganish
#24_ta_masala
🗣 Fuqarolar fikri — deputatlik faoliyatining muhim mezoni

Aholini qiynayotgan masalalarni joyida o‘rganish, fuqarolar takliflarini tinglash va ularning yechimiga e’tibor qaratish maqsadida “Mehnatobod” mahallasida ochiq muloqot tashkil etildi.

👤 Xalq deputatlari Sherobod tumani Kengashining 8-Mehnatobod saylov okrugi deputati S. Irisov hamda Kengash kotibiyati bosh mutaxassisi S. Safarov ishtirokida o‘tkazilgan uchrashuv deputatlik faoliyatining eng muhim 24 ta yo‘nalishi doirasida tashkil etildi.

🤝 Muloqotda mahalladagi ko‘chaboshilar, nuroniylar va fuqarolar o‘z fikr-mulohazalari, taklif hamda tashabbuslarini bildirdilar. Jumladan, hududni obodonlashtirish, ichki yo‘llar holati, kommunal xizmatlar sifati, aholi bandligi va ijtimoiy masalalar muhokama qilindi.

📊 Shuningdek, tuman Kengashining navbatdagi sessiyasi kun tartibiga kiritilgan O‘zbekiston Respublikasi Prezidentining 2023-yil 21-dekabrdagi PQ-402-son qarori ijrosi yuzasidan 2026-yilning 9 oyi yakunlari bo‘yicha jamg‘arma daromadlari va xarajatlari to‘g‘risida tushuntirish berildi. Fuqarolarning mazkur masala yuzasidan taklif va mulohazalari o‘rganildi.

✅ Ochiq muloqotning ahamiyati — aholi ovozini eshitish, dolzarb masalalarni aniqlash va ularning yechimi bo‘yicha takliflarni o‘rganishdir.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube