📌Jizzax viloyatida topshiriqlar ijrosi va belgilangan yo‘nalishlardagi ishlar samaradorligini baholash bo‘yicha KPI ko‘rsatkichlari tahlil qilindi. Xalq deputatlari Jizzax shahar Kengashi deputati, shahar hokimi K.Xolmurodov va Respublika ishchi guruhi vakili B.Musurmonov ishtirokida o‘tgan muhokamada ijtimoiy qo‘llab-quvvatlash hamda kambag‘allikni qisqartirish masalalariga alohida eʼtibor qaratildi.

🔸Xususan, kam taʼminlangan oilalar farzandlarini bog‘cha va to‘garaklarga qamrab olish, yoshlarni kasb-hunarga jalb qilish, aholi bilan sayyor qabullar hamda taʼlim muassasalarida uchrashuvlar tashkil etish holati ko‘rib chiqildi. Tahlillar ayrim yo‘nalishlarda yuqori natijalar bilan birga, sust ko‘rsatkichlarni yana-da kuchaytirish zarurligini ko‘rsatdi.

🔸Yig‘ilish yakunida mavjud muammolarni bartaraf etish, KPI ko‘rsatkichlarini yaxshilash va aholiga ko‘rsatilayotgan xizmatlar sifatini oshirish bo‘yicha masʼullarga aniq vazifalar belgilandi.