Xalq deputatlari Xorazm viloyati Kengashi deputati S. Sadikov tomonidan o‘z saylangan hududi — Xonqa tumani “Yosh kuch” mahallasidagi 28-son umumiy o‘rta ta’lim maktabida kuz-qish mavsumiga tayyorgarlik holati o‘rganildi.

 O‘rganish davomida maktabning mavsumni betalofat o‘tkazishga tayyorgarligi, issiqlik tizimlari, isitish moslamalari, elektr va gaz ta’minoti, deraza va eshiklarning sozligi, shuningdek, o‘quv xonalarida zarur haroratni ta’minlash imkoniyatlari ko‘zdan kechirildi.

 Shuningdek, kuz-qish mavsumida o‘quvchilar va pedagoglar uchun munosib hamda xavfsiz sharoit yaratish, aniqlangan kamchiliklarni bartaraf etish masalalari yuzasidan mas’ullar bilan fikr almashildi.

 O‘rganish yakunida mavjud masalalar yuzasidan tegishli tavsiya va takliflar bildirilib, ta’lim muassasasida kuz-qish mavsumini sifatli va xavfsiz o‘tkazish bo‘yicha zarur choralarni ko‘rish belgilandi.