Mazkur Qonun iste’molchilar manfaatlarini himoya qilish, reklama bozorida halol raqobatni ta’minlash hamda reklama faoliyatining ochiqligi va shaffofligini mustahkamlashga xizmat qiladi.

📌 Qonunning asosiy maqsadlari:
✅ iste’molchilarni yolg‘on va chalg‘ituvchi reklamalardan himoya qilish;
✅ reklama sohasida halol raqobat muhitini yaratish;
✅ reklama faoliyatini qonuniy asosda tartibga solish;
✅ iste’molchilarning to‘g‘ri va ishonchli axborot olish huquqini ta’minlash.

📋 Qonunga ko‘ra, reklama:
✔️ qonuniy, to‘g‘ri va ishonchli bo‘lishi;
✔️ iste’molchini chalg‘itmasligi;
✔️ inson sha’ni, qadr-qimmati va ishchanlik obro‘siga putur yetkazmasligi;
✔️ milliy va umuminsoniy qadriyatlarga zid bo‘lmasligi;
✔️ atrof-muhitga zarar yetkazuvchi xatti-harakatlarni targ‘ib qilmasligi lozim.

Quyidagilarni reklama qilish yoki reklamada qo‘llash taqiqlanadi:
• yolg‘on yoki noto‘g‘ri ma’lumotlarni tarqatish;
• mahsulot yoki xizmatning afzalliklarini asossiz ko‘rsatish;
• iste’molchini aldash yoki chalg‘itishga olib keluvchi axborot berish;
• zo‘ravonlik, shafqatsizlik va axloqqa zid xatti-harakatlarni targ‘ib qilish;
• bolalar manfaatlariga salbiy ta’sir ko‘rsatadigan reklama materiallarini tarqatish.

Qonunchilik talablarini buzgan jismoniy va yuridik shaxslar amaldagi qonunchilik hujjatlariga muvofiq javobgarlikka tortiladi.

Xalq deputatlari Zomin tuman Kengashi kotibiyati tomonidan fuqarolarning huquqiy madaniyatini yuksaltirish hamda amaldagi qonunchilik mazmun-mohiyatini keng jamoatchilikka yetkazish maqsadida hafta davomida “Reklama to‘g‘risida”gi Qonunga bag‘ishlangan targ‘ibot tadbirlari, uchrashuvlar va huquqiy tushuntirish ishlari tashkil etilishi rejalashtirilgan.