#deputat_faoliyati #Yangi_Ozbekiston_qiyofasi
#deputat_okrugida

“Yangi O‘zbekiston qiyofasi” yo‘nalishida o‘rganish ishlari olib borildi

Xalq deputatlari tuman Kengashiga 17-Bog‘iston saylov okrugidan saylangan deputat U. Xo‘shboqov o‘zi saylangan saylov okrugidagi “Bog‘iston” mahallasida har bir ko‘cha va xonadonni “Yangi O‘zbekiston qiyofasi”ga keltirish, hududlarni obodonlashtirish hamda mavjud muammolarni aniqlash bo‘yicha o‘rganish ishlarini olib bordi.

O‘rganish davomida mahalladagi tadbirkorlik subyektlari faoliyati bilan ham tanishilib, aholiga xizmat ko‘rsatish yo‘nalishida amalga oshirilayotgan ishlar ko‘zdan kechirildi. Jumladan, nonvoyxona tashkil etilgani, shuningdek, milliy taomlar tayyorlash va aholiga xizmat ko‘rsatish shoxobchalari faoliyati o‘rganildi.

Shuningdek, hududning obodonlashtirilganlik holati, ko‘chalar va xonadonlar atrofidagi tozalik, mavjud infratuzilma hamda aholi uchun qulay shart-sharoitlarni yaxshilash masalalariga e’tibor qaratildi.

O‘rganish davomida aniqlangan mavjud muammolar va kamchiliklarni bartaraf etish, hududni yanada obod va ko‘rkam qiyofaga keltirish yuzasidan tegishli tavsiya va takliflar bildirildi. Masalalar deputatlik nazorati doirasida e’tiborga olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram