Xalq deputatlari Paxtakor tumani Kengashi deputati tomonidan Buyuk Ipak yo‘li mahallasidagi Yangilanish ko‘chasining ichki yo‘l holati o‘rganildi.

O‘rganish jarayonida ko‘chaning qariyb 300 metr qismida yo‘l qoplamasini yaxshilash, xususan, shag‘allashtirish zarurligi aniqlandi. Mazkur yo‘lning holati aholi va transport vositalarining harakatlanishida muayyan noqulayliklarni keltirib chiqarmoqda.

Shu munosabat bilan, Yangilanish ko‘chasining 300 metr qismini shag‘allashtirish hamda yo‘lni kelgusida amalga oshiriladigan manzilli dasturlarga kiritish masalasini ko‘rib chiqish yuzasidan mas’ul tashkilotlarga deputatlik so‘rovi yuborildi.

Masala deputatlik nazoratiga olinib, murojaat yuzasidan amalga oshiriladigan ishlar o‘rganib boriladi.