Deputat maktab kutubxonasi faoliyati bilan tanishdi

Xalq deputatlari Uzun tumani Kengashiga 18-oqostona saylov okrugidan saylangan deputat A.Kamolov o‘z okrugidagi ta’lim muassasalarida yaratilgan shart-sharoitlarni o‘rganish maqsadida 5-sonli umumiy o‘rta ta’lim maktabida bo‘lib, kutubxona faoliyati bilan yaqindan tanishdi.

Tashrif davomida deputat kutubxonadagi mavjud kitob fondi, o‘quvchilar uchun yaratilgan shart-sharoitlar hamda badiiy va o‘quv adabiyotlarining yetarlilik darajasini ko‘zdan kechirdi. Shuningdek, yoshlarning kitob mutolaasiga bo‘lgan qiziqishi va kutubxonadan foydalanish faolligi bilan qiziqdi.

Maktab rahbariyati va kutubxona xodimlari bilan bo‘lib o‘tgan muloqotda o‘quvchilar o‘rtasida kitobxonlik madaniyatini yanada yuksaltirish, kutubxona fondini zamonaviy adabiyotlar bilan boyitish masalalari muhokama qilindi.