Xalq deputatlari Qumqo‘rg‘on tuman Kengashi kotibiyati bosh mutaxassisi T. Gulmatov tomonidan tuman Kengashining 18-“Chashka” saylov okrugi deputati Q. Chorievning saylov okrugiga qarashli “Hurriyat” mahallasida joylashgan tuman ko‘p tarmoqli poliklinikasining “Hurriyat” filialida o‘rganish ishlari amalga oshirildi.
O‘rganish jarayonida O‘zbekiston Respublikasining “Fuqarolarning reproduktiv salomatligini saqlash to‘g‘risida”gi Qonuni (O‘RQ-528) ijrosi holatiga alohida e’tibor qaratildi.
Jumladan, filialda fuqarolarga reproduktiv salomatlikni saqlash sohasida tibbiy xizmat ko‘rsatilishi, aholiga zarur tibbiy maslahat va ko‘mak berilishi, shuningdek, qonun hujjatlarida belgilangan talablarning amalda bajarilishi o‘rganildi.
Bunday o‘rganishlarning asosiy maqsadi — aholiga ko‘rsatilayotgan tibbiy xizmatlar sifatini yanada oshirish, fuqarolarning reproduktiv salomatligini muhofaza qilish hamda sohadagi qonunchilik talablariga rioya etilishini ta’minlashdan iborat.
Xalq deputatlari Qumqo‘rg‘on tuman Kengashi — aholi salomatligi va manfaatlari yo‘lida!