#_deputat_faoliyati
#_24_ta_masala
Fuqarolar murojaatlari joyida o‘rganilmoqda

Xalq deputatlari tuman Kengashi kotibiyati mudiri M.Ashurov tomonidan tumandagi Shabnam mahallasida fuqarolarning murojaatlari va mavjud muammolarini o‘rganish yuzasidan sayyor uchrashuv o‘tkazildi.
O‘rganish jarayonida mahalla hududida istiqomat qilayotgan fuqarolar bilan yuzma-yuz muloqot qilinib, ularning murojaatlari, taklif va tashabbuslari tinglandi. Fuqarolar tomonidan ko‘tarilgan masalalarning mazmun-mohiyati atroflicha o‘rganilib, muammolarni imkon qadar joyida hal etish choralariga e’tibor qaratildi.

Muloqot davomida, xususan, hududni obodonlashtirish, infratuzilmani yaxshilash, kommunal xizmatlar, bandlik, ijtimoiy himoya hamda boshqa yo‘nalishlarda fuqarolarni qiynab kelayotgan masalalar yuzasidan tegishli taklif va murojaatlar qayd etildi.
Bildirilgan murojaatlarning har biri mas’ullar ishtirokida ko‘rib chiqilib, ularni hal etish bo‘yicha tegishli tashkilot va mutasaddilarga vazifalar belgilandi. Murojaatlarning ijrosini ta’minlash, ularning qonuniyligi va natijadorligini nazoratga olish yuzasidan zarur choralar ko‘rilishi ta’kidlandi.

Fuqarolar bilan ochiq va samimiy muloqot qilish, ularning muammolarini joyiga chiqqan holda o‘rganish hamda murojaatlarni o‘z vaqtida va samarali hal etish xalq deputatlari tuman Kengashi faoliyatining ustuvor yo‘nalishlaridan biridir.

Bunday sayyor o‘rganishlar orqali aholi bilan bevosita muloqot yanada kuchaytirilib, hududlarda mavjud muammolarni aniqlash va ularni bartaraf etish bo‘yicha amaliy ishlar izchil davom ettiriladi.