"Adolat" social-demokratiyalıq partiyası tárepinen gezektegi májilis bolıp ótti.

⚡️Májiliste "Adolat" social-demokratiyalıq partiyasırayonlıq Keńesi baslıǵı S.Abdieva tárepinen ámelge asırılıp atırǵan jumıslar, keleshektegi tiykarǵı wazıypalar hám xalıq penen islesiwdi bunnan bılay da jetilistiriw máseleleri dodalandı.

Ilaj dawamında partiya aǵzaları tárepinen jámiyette sociallıq ádillik principlerin engiziw, puqaralardıń nızamlı máplerin qorǵaw, xalıqtı qıynap kiyatırǵan mashqalalardı úyreniw hám olardıń sheshimine járdemlesiw baǵdarında ámelge asırılıp atırǵan jumıslar tallandı.

Sonday-aq, májiliste aymaqlarda xalıq penen ashıq pikirlesiwlerdi shólkemlestiriw, puqaralardıń múrájatların óz waqtında kórip shıǵıw, jaslar hám hayal-qızlardı qollap-quwatlaw, sociallıq qorǵawǵa mútáj shańaraqlarǵa ámeliy járdem kórsetiw jáne partiyanıń jámiyetshilik penen baylanısların bunnan bılay da bekkemlew máselelerine ayrıqsha itibar qaratıldı.

Májilis qatnasıwshıları tárepinen ámelge asırılǵan jumıslar boyınsha pikir-usınıslar bildirilip, bar mashqalalar hám olardı saplastırıw boyınsha usınıslar alǵa qoyıldı. Keleshekte partiya jumısın bunnan bılay da kúsheytiw, xalıqtıń máplerin qorǵaw hám aymaqtaǵı sociallıq mashqalalardı unamlı sheshiwge járdemlesiw boyınsha anıq wazıypalar belgilep alındı.

Májilis juwmaǵında belgilengen wazıypalardı óz waqtında hám sapalı ámelge asırıw, partiya aǵzalarınıń belsendiligin arttırıw jáne xalıq penen turaqlı hám nátiyjeli sóylesiwdi dawam ettiriw zárúr ekenligi atap ótildi.