Húrmetli Prezidentimizdiń 2026-jıl 5-fevraldaǵı "Aymaqlardı rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında"ǵı PQ-49-sanlı qararı tiykarında Bozataw rayonında jol qurılıs-ońlaw jumısları izbe-iz ámelge asırılmaqta.

"Aspantay" APJ aymaǵındaǵı ishki oraylıq kóshesinde qara qaplamalı asfalt jolın ońlaw jumısları alıp barılmaqta.
Bul jol aymaq xalqı ushın áhmiyetli transport jónelislerinen biri bolıp, onıń ońlanıwı puqaralardıń qáwipsiz hám qolaylı háreketleniwin támiyinleydi.

Usı múnásibet penen xalıq deputatları Bozataw rayonlıq Keńesi 12-sanlı “Aspantay” saylaw okruginen saylanǵan deputat G.Jumanazarova aymaqqa shıǵıp, joldıń ámeldegi jaǵdayı hám alıp barılıp atırǵan ońlaw jumısların ornında úyrendi.