#kunlik_ish_reja_ijrosi
#Kotibiyat_mudiri
#deputat_faoliyati
#kotibiyat_xodimi_faoliyati
#162_ta_Qonunlar_ijrosi
#24_ta_tavsiyalar_ijrosi

Bandixon tumanida deputatlik nazorati: "Obod yurt" mahallasida "24 ta tavsiya" asosida o‘rganishlar o‘tkazildi

Bandixon tumanida mahalliy Kengash deputatlari va Kengash kotibiyati mas’ullari tomonidan mahallalarda aholi bilan doimiy muloqot o‘tkazish, hududiy ijtimoiy-iqtisodiy masalalarni o‘z vaqtida aniqlash hamda fuqarolar murojaatlarini ijobiy hal etish borasida tizimli ishlar amalga oshirilmoqda.

Xalq deputatlari Bandixon tuman Kengashi kotibiyati mudiri A. Pardayev hamda kotibiyat bosh mutaxassisi B.Qurbonov "Obod yurt" mahallasida bo‘lib, mahalla raisi va hudud aholisi bilan uchrashdilar.

O‘rganishlar mahalliy Kengash deputatlari faoliyatining eng muhim yo‘nalishlari bo‘yicha ishlab chiqilgan 24 ta tavsiya doirasida tashkil etildi.

Muloqot va uyma-uy yurish jarayonida mahalla raisi hamda fuqarolar tomonidan ichki yo‘llarni ta’mirlash, elektr ta’minotini yaxshilash, aholi bandligi, tomorqadan samarali foydalanish, ijtimoiy muhofaza va kommunal xizmat ko‘rsatish sifati bo‘yicha ko‘plab murojaat hamda takliflar bildirildi.

Tashrif yakunida barcha ko‘tarilgan masalalar ro‘yxatga olinib, ularni mas’ul mutasaddi idoralar bilan hamkorlikda hal etish hamda ijrosini deputatlik nazoratiga olish bo‘yicha tegishli chora-tadbirlar belgilab olindi.