Xalq deputatlari Chinoz tumani Kengashi kotibiyati mudiri Asqar Baxramov Kengashning ish rejasiga muvofiq, tuman Investitsiyalarni jalb qilish va eksportni rivojlantirish bo‘limi bosh mutaxassisi bilan birgalikda Oydin MFY hududida amalga oshirilayotgan investitsiya loyihasi faoliyati bilan yaqindan tanishdi.

O‘rganish davomida Xitoylik investorlar tomonidan tashkil etilgan “Jin-Yu” MChJ XK tomonidan bir martalik idish va buyumlar ishlab chiqarishni yo‘lga qo‘yish loyihasining bugungi kundagi faoliyati, ishlab chiqarish jarayoni hamda yaratilgan sharoitlar ko‘zdan kechirildi.

Mazkur loyiha hududning investitsiyaviy salohiyatini oshirish, zamonaviy ishlab chiqarish quvvatlarini kengaytirish hamda aholi bandligini ta’minlashda muhim ahamiyat kasb etmoqda. Loyiha doirasida 25 ta yangi ish o‘rni yaratilgani ayniqsa e’tiborga molik.

O‘rganish yakunida investitsiya loyihasini yanada rivojlantirish, ishlab chiqarish hajmini oshirish, mavjud imkoniyatlardan samarali foydalanish hamda yangi ish o‘rinlarini ko‘paytirish bo‘yicha tegishli taklif va tavsiyalar bildirildi.