Muloqot davomida ma’lum bo‘lishicha, yangi temir yo‘l tarmog‘i o‘tkazilishi sababli tuman markaziga olib boruvchi asosiy yo‘l yopilib qolgan. Oqibatda 60 ta xonadon aholisi tuman markaziga borish uchun ortiqcha 4,5 km aylanma masofani bosib o‘tishga majbur bo‘lmoqda.

Ushbu muammoni hal etish va uzog‘ini yaqin qilish maqsadida deputat tomonidan tuman hokimi o‘rinbosari B.Ernazarovga deputat so‘rovi yuborildi. So‘rovda 1,3 km yo‘l qismiga tosh-shag‘al yotqizishda amaliy yordam berilishi so‘ralgan.
Masala ijrosi deputatning doimiy nazoratida bo‘ladi.