Shu doirada Xalq deputatlari Termiz shahar Kengashi raisi, deputat D.Normuradova, Kengash kotibiyati mudiri, deputat A.Ashurov, Kengashning 11-“Do‘stlik” saylov okrugi deputati S.Xodjayeva, kotibiyat bosh mutaxassisi A.Temirov hamda ekspert guruhi a'zolari shahardagi 11-sonli umumta’lim maktabiga tashrif buyurdilar.

Tashrif davomida Xalq deputatlari Termiz shahar Kengashining 2026-yil 17-avgustdagi "Termiz shahar Maktabgacha va maktab ta’lim tizimining 2026–2027-o‘quv yiliga tayyorgarlik holati, uning sifat va samaradorligini oshirish bo‘yicha amalga oshirilayotgan ishlar hamda istiqboldagi vazifalari yuzasidan shahar Maktabgacha va maktab ta’lim bo‘limi boshlig‘i Sh.Kuvataliyevning hisoboti to‘g‘risida" VII-24-79-8-121-K/26-sonli qaror ijrosi yuzasidan maktabning yangi o‘quv yiliga tayyorgarlik holati, ta’lim jarayonini samarali tashkil etish uchun yaratilayotgan shart-sharoitlar, sinfxonalar va mavjud infratuzilmaning holati, obodonlashtirish hamda sanitariya talablariga rioya etilishi kabi masalalar atroflicha ko‘zdan kechirildi.

Shuningdek, maktab rahbariyati bilan suhbat davomida yangi o‘quv yiliga tayyorgarlik jarayonida amalga oshirilayotgan ishlar, mavjud muammolar va ularni bartaraf etish bo‘yicha ko‘rilayotgan choralar yuzasidan fikr almashildi.

Aniqlangan masalalar yuzasidan mas’ullarga tegishli tavsiya va ko‘rsatmalar berilib, belgilangan vazifalarning ijrosini ta’minlash hamda ta’lim muassasasida o‘quvchilar uchun munosib sharoitlarni yaratish bo‘yicha ishlarni izchil davom ettirish zarurligi ta’kidlandi.