Xalq deputatlari Bag‘dod tumani Kengashining “9-Tuvadoq” saylov okrugi deputati, Kengash raisi D.Karimova hamda Kengash Kotibiyati mudiri G‘.Abdullayev tomonidan “Obodyurt” mahalla fuqarolar yig‘ini hududida 2026-yilgi ijtimoiy-iqtisodiy rivojlantirish dasturiga kiritilgan loyihaning ijrosi joyiga chiqqan holda o‘rganildi.

O‘rganish davomida hududda amalga oshirilayotgan tadbirkorlik loyihalarining borishi, ularning yangi ish o‘rinlari yaratish, aholi bandligini ta’minlash hamda mahallaning iqtisodiy salohiyatini oshirishdagi ahamiyatiga alohida e’tibor qaratildi.

Xususan, “Hamkor xizmat 2022” masuliyati cheklangan jamiyati tomonidan temir xom ashyosidan tayyor maxsulotlar ishlab chiqarish faoliyati yo‘lga qo‘yilgani o‘rganildi. Loyiha to‘liq ishga tushirilgan bo‘lib, 10 nafar ishsiz fuqaroning doimiy bandligi ta’minlanib, ular uchun barqaror ish o‘rinlari yaratilgan.

O‘rganish yakunida loyihaning belgilangan ko‘rsatkichlar asosida faoliyat yuritayotgani, yaratilgan ish o‘rinlarining barqarorligi hamda ishlab chiqarish hajmini yanada oshirish bo‘yicha mavjud imkoniyatlar tahlil qilindi.