Xalq deputatlari Bo‘ston tumani Kengashining O‘zLiDeP deputatlik guruhi hamda ekspertlar guruhi hamkorligida tumanda faoliyat yuritayotgan tadbirkor ayollarning ish faoliyati o‘rganildi.
O‘rganish davomida xotin-qizlarni tadbirkorlikka keng jalb etish, ularning biznes tashabbuslarini qo‘llab-quvvatlash, yangi ish o‘rinlari yaratish hamda mavjud imkoniyatlardan samarali foydalanish masalalariga alohida e’tibor qaratildi.
Tadbirkor ayollarning faoliyati, duch kelayotgan muammolari va ularni hal etish bo‘yicha takliflari tinglandi. Aniqlangan masalalar yuzasidan tegishli taklif va tavsiyalar ishlab chiqish belgilandi.
Xalq deputatlari Kengashi tomonidan xotin-qizlarning iqtisodiy faolligini oshirish, ularning tadbirkorlik tashabbuslarini qo‘llab-quvvatlash va bandligini ta’minlashga qaratilgan ishlar izchil davom ettiriladi.