Xalıq deputatları Bozataw rayonlıq Keńesiniń 1-sanlı «Palwash ataw» saylaw okrugi deputatı, Keńes sekretariatı baslıǵı A. Ibragimov tárepinen «Bozataw» PPJ baslıǵı B. Xabipovtıń jumıs iskerligine deputatlıq úyreniw jumısları alıp barıldı.
Úyreniw barısında PPJ baslıǵınıń ózine júklengen wazıypalardı atqarıwı, puqaralardıń múrájáátlerin qabıllaw hám olardıń mashqalaların úyreniw, múrájáátlerdi tiyisli shólkemlerge jetkiziw hám olardıń sheshiliwin baqlaw boyınsha alıp barıp atırǵan jumısları kórip shıǵıldı.
Sonday-aq, puqaralar menen islew, olardıń usınıs-pikirlerin úyreniw, aymaqtaǵı sociallıq hám turmıslıq másellerdi anıqlaw, aniqlanǵan mashqalalardıń sheshimi boyınsha tiyisli shólkemler menen birgelikte is alıp barıwına itibar qaratıldı.
Deputatlıq úyreniw dawamında PPJ baslıǵınıń jumıs dokumentleri, puqaralardan kelip túsken múrájáátlerdiń esabı hám olardıń nátiyjeleri, sonıń menen birge belgilengen wazıypalardıń óz waqtında hám sapalı orınlanıwı menen baylanıslı máseleler úyrenildi.
Úyreniw nátiyjesinde aniqlanǵan kemshiliklerdi joyıw, puqaralar menen islewdi jáne de jetilistiriw hám múrájáátlerdiń nátiyjeli sheshiliwin támiyinlew boyınsha tiyisli usınıslar berildi.