Xalq deputatlari Angor tumani Kengashining 11-Navro‘z saylov okrugi deputati To‘rayev Norquvvot tomonidan Navro‘z mahallasida istiqomat qiluvchi fuqarolarning murojaati joyiga chiqib o‘rganildi.

Mazkur o'rganishda xalq deputatlari Angor tumani Kengashi kotibiyati bosh mutaxassisi M.Choriyeva ham ishtirok etdi.

🌱 Murojaatda ayrim hududlarda dehqon va tomorqa yerlarini sug‘orish uchun foydalaniladigan ariqlarga suv yetib kelmayotgani, natijada ekinlarni o‘z vaqtida sug‘orishda qiyinchiliklar yuzaga kelayotgani bildirildi.

Mazkur masalani amaliy jihatdan o‘rganish maqsadida deputat tomonidan Angor tumani Suv yetkazib berish xizmati davlat tashkiloti rahbari o‘rinbosari Sh. Eshaliyev bilan birgalikda hudud ko‘zdan kechirildi.

💧 O‘rganish davomida suv ta’minotidagi muammolar, ariqlarning holati hamda suv yetkazib berish imkoniyatlari muhokama qilinib, mavjud muammoni bartaraf etish bo‘yicha mas’ullarga tegishli taklif va tavsiyalar berildi.

🤝 Fuqarolar murojaatlarini joyida o‘rganish va masalalarni tegishli tashkilotlar bilan hamkorlikda hal etish — deputatlik faoliyatining muhim yo‘nalishlaridan biridir.