Xalq deputatlari Xorazm viloyati Kengashi deputati D. Niyazmetova tomonidan davlat xizmatlari hamda FHDYO organlarida fuqarolarga xizmat ko‘rsatish holati yuzasidan o‘rganish ishlari olib borildi.

📝 O‘rganish davomida fuqarolarga davlat xizmatlarini ko‘rsatish sifati, murojaatlarni qabul qilish va ko‘rib chiqish tartibi, xizmatlarning belgilangan muddatlarda amalga oshirilishi hamda fuqarolar uchun yaratilgan shart-sharoitlarga e’tibor qaratildi.

Shuningdek, FHDYO organlarida tug‘ilish, nikoh, nikohdan ajralish, vafot etish va boshqa fuqarolik holati dalolatnomalarini qayd etish bilan bog‘liq xizmatlarning ko‘rsatilishi, aholiga zarur huquqiy tushuntirishlar berilishi hamda murojaatlarning qonunchilik talablari asosida ko‘rib chiqilishi o‘rganildi.

O‘rganish yakunlari bo‘yicha aniqlangan masalalarni bartaraf etish, xizmat ko‘rsatish sifatini yanada oshirish va fuqarolarning davlat xizmatlaridan foydalanishi uchun qulay shart-sharoitlarni ta’minlash yuzasidan tegishli tavsiyalar berildi.

Aholiga qulay, tezkor va sifatli davlat xizmatlarini ko‘rsatish — deputatlik nazoratining muhim yo‘nalishlaridan biridir.