Xalq deputatlari Chilonzor tumani Kengashi deputati, Adolat SDP a'zosi Tashmuhammedova Muhabbat Baxtiyorovna tomonidan o‘z saylov okrugi hududidagi Zarqo‘rg‘on mahallasida fuqarolar murojaatlari asosida joyiga chiqib o‘rganish ishlari olib borilgan edi.
O‘rganish davomida mahallaga kirish yo‘lida transport vositalari harakati murakkablashayotgani, tirbandliklar yuzaga kelayotgani hamda bu holat piyodalar, ayniqsa, maktab va maktabgacha ta’lim tashkilotlariga qatnovchi bolalar xavfsizligiga salbiy ta’sir ko‘rsatayotgani aniqlangandi.
Mazkur holat yuzasidan muammoni bartaraf etish hamda yo‘l harakati xavfsizligini ta’minlash bo‘yicha tegishli choralarni ko‘rish maqsadida Chilonzor tumani Ichki ishlar organlari faoliyatini muvofiqlashtirish boshqarmasi boshlig‘i F. Giyasov nomiga deputat so‘rovi yuborildi.
Deputat so‘rovida:
🔤tirbandliklarni kamaytirish bo‘yicha zarur choralarni ko‘rish;
maktab va maktabgacha ta’lim tashkilotlari atrofida bolalar xavfsizligini ta’minlash;
🔤tegishli mas’ul tashkilotlar bilan hamkorlikda amaliy choralarni ko‘rish masalalari ko‘tarildi.

Mazkur deputat so‘rovi ijrosi deputat nazoratida bo‘lib, fuqarolar xavfsizligini ta’minlash va yo‘l harakati bilan bog‘liq muammolarni bartaraf etish yuzasidan amalga oshiriladigan ishlar yuzasidan jamoatchilikka qo‘shimcha ma’lumot berib boriladi.