Xalq deputatlari Chinoz tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Surayyo Axmedova hamda komissiya a'zolari Mirsoat Mirsodiqov va Hikmatilla Hafizov tomonidan Huquq targ‘ibot maskani faoliyati yuzasidan o‘rganish ishlari olib borildi.

🔎 O‘rganish davomida huquqbuzarliklar profilaktikasi, jinoyatchilikning oldini olish, aholi o‘rtasida huquqiy targ‘ibotni kuchaytirish hamda jamoat xavfsizligini ta'minlash borasida amalga oshirilayotgan ishlar atroflicha tahlil qilindi.

📊 2026-yilning 6 oyi yakunlariga ko‘ra, Chinoz tumani hududida jami 283 ta jinoyat qayd etilgan bo‘lib, bu ko‘rsatkich 2025-yilning mos davriga nisbatan 32 taga yoki 12,7 foizga oshgan.

✅ Shu bilan birga, oldini olish mumkin bo‘lgan jinoyatlar soni 18,6 foizga kamayib, 70 tadan 57 taga tushirilgan. Mazkur natija profilaktik tadbirlar samaradorligini oshirish yo‘lida muhim ko‘rsatkich sifatida baholandi.

📌 Qayd etilgan jinoyatlarning:
🔹 101 tasi aniqlangan jinoyatlar;
🔹 125 tasi axborot texnologiyalaridan foydalangan holda sodir etilgan jinoyatlarni tashkil etgan.
🔹 100 ming aholiga nisbatan oldini olish mumkin bo‘lgan jinoyatlar ko‘rsatkichi 188,67 tani tashkil etib, viloyatning umumiy reytingiga ijobiy ta'sir ko‘rsatgani qayd etildi.

✍️ "Obod va xavfsiz mahalla" tamoyili asosida tumandagi 40 ta mahalla tahlil qilinib:
🔴 2 ta mahalla – "qizil" toifa;
🟡 17 ta mahalla – "sariq" toifa;
🟢 21 ta mahalla – "yashil" toifaga kiritilgan.
📍 "Qizil" toifadagi mahallalar:
🔺 Birlik MFY;
🔺 Ko‘tarma MFY.

Shuningdek, tumandagi 21 ta mahallada 29 ta oldini olish mumkin bo‘lgan jinoyat sodir etilgan bo‘lib, shundan "qizil" toifadagi ikki mahallada 4 ta jinoyat qayd etilgan.

👥 Huquqbuzarlik sodir etishga moyil yoki huquqbuzarlikdan jabrlanish xavfi yuqori bo‘lgan 3 861 nafar fuqaro aniqlanib, ular "E-ijtimoiy profilaktika" elektron axborot tizimiga kiritilgan hamda ular bilan individual profilaktik ishlar yo‘lga qo‘yilgan.

✍️ O‘rganish yakunida jinoyatchilikning oldini olish, axborot texnologiyalari orqali sodir etilayotgan jinoyatlarga qarshi kurashish, mahallalarda profilaktik tadbirlar samaradorligini oshirish hamda "Obod va xavfsiz mahalla" tamoyili asosida tizimli ishlarni yanada kuchaytirish yuzasidan tegishli tavsiya va takliflar bildirildi.